Azti-Tecnaliaren ikerketa baten arabera euskal itsas maila 28 eta 49 zentimetro artean igo daiteke 2100 urterako.

Bideo honetan klima aldaketak itsasmailan izango dituen eraginak eta zergatiak aztertu dituzte.

1950. urteaz geroztik, itsasoaren batez besteko maila munduan 1,8 milimetro igo da urtero, eta euskal kostaldean, berriz, 2,1 milimetro. Gainera, 1993. urtetik itsas maila urtero 3 mm igotzen ari dela kalkulatu dute, eta ondorengo urteetan igoera hori handitu egingo dela.

Kalkuluen arabera, itsas maila igotzearen ondorioz, mende honen amaierarako Gipuzkoako hondartzak 15 eta 30 metrotaraino atzeratu daitezke.

Iturria: Azti-Tecnalia, Itsasnet.com eta Berria.info