berde-berdea

Jasangarritasunerako heziketa

berde-berdea — Fri, 02 Jul 2010 08:40:24 +0200

Ikastaroaren helburua ausnarketa egitea zen Energiaren Kontsumo Jasangarriaren, Ingurumenaren, Bioaniztasunaren eta pertsonen heziketaren inguruan.

Santi Larretak, Berde-berdea, ingurumen proiektuaren azalpen orokor bat egin zuen eta Energiari buruzko ikasmaterial berria ikasleekin energiaren arazoaren gaiari heltzeko baliabide gisa aztertu zuen. Dakizuenez, material honek energiaren historia, gaur egun dauden arazoak eta etorkizuneko aukerak ezagutaraztea du helburu, hiru flash animazio eta jardueren bitartez. Hemen aurkitu dezakezue: Energia.

Mikel Goñik, Kutxaguneko Berrikuntza eta Dibulgaziorako zuzendaria, GAIA erakusketa aurkeztu zuen. Ondoren, Gipuzkoako hiru zentrutako irakasleek eta Gipuzkoako Ingurugela-CEIDAko zuzendariak Eskolako Agenda 21 aurkeztu zuten. Eta saioa mahai borobil batekin amaitu zen.

Informazio gehiago:

Energia ikasmateriala (Berde-berdea)
Ikastaroaren programa osoa
GAIA erakusketa Miramongo Zientziaren Kutxagunean
Ingurugela-CEIDA

Eguzkiaren eguna

berde-berdea — Mon, 21 Jun 2010 13:51:53 +0200

Lurraren ardatzak duen inklinazioak eraginda, Ipar Poloak astebetez, eta egunean 24 orduz, jasotzen du eguzkiaren eragina udara borealean zehar, aurkezpen honetan gauerdiko eguzkia zer den ikasi, eta ekainaren 21ean eguzkiak lurra nola argiztatzen duen erakutsiko digun irudikapena ikus ditzakegu.

Egun hau ospatzearen helburua energia iturri berriztagarriak sustatu eta indartzea da. Horregatik, egun hauetan Madrilen eguzki energiaz baliatzen diren etxeen munduko lehiaketa ospetsuena ospatzen ari da. Estatu Batuetatik kanpo burutzen den lehen aldia da. Kontsumitzen dutena baino energia gehiago sortzen dute etxe hauek eguzkiari esker eta etorkizunera begira eredu izan nahi dute.

Iturria: Eitb.com

Garraio ekologikoa errepideen jaun eta jabe

berde-berdea — Mon, 21 Jun 2010 10:06:58 +0200

Gasteizen burutu zen txirrindulariekiko sentsibilizazio martxak familia osoak bildu zituen hiritik ibilbidea egiteko. Helburua, txirrindulariekiko sentsibilizazioa eskatzea zen, eta denek zirkulazio arauak betetzea garrantzitsua dela gogoratu zuten.

Bilboko kaleetan barrena ohikoak diren autoak beharrean, garraio osasuntsu eta ekologikoago bat ikusi ahal izan genuen. Ehunka patinatzailek hartu zituzten Bizkaiako hiriburuko kaleak, eta 10 bat kilometroko ibilaldia egin zuten.

Eta azkenik, autopistan zehar ibilaldi bat. Oinezko, txirrindulari, patinatzaile, eta baita korrikalariek ere, Donostiako bigarren ingurabidea estreinatu ahal izan zuten, kotxeek baino lehenago.

Goizeko bederatzietan hasita, autoen zirkulaziorako ireki baino bost egun lehenago, ehunka pertsona errepideak dituen 17 kilometroetan barrena ibili ziren.

Garraio mota hauek erabiltzea ohikoa izatea izango litzateke onena, begira nola joaten diren holandarrak lanera: Lanera bizikletan

Eta zu, nola mugitzen zara herrian barrena?

Iturria: Eitb:com eta DiarioVasco.com (gazteleraz)

Lego piezen Europako finala

berde-berdea — Fri, 18 Jun 2010 10:06:50 +0200

Donostiako Axular Lizeoa eta Andoaingo La Salle Berrozpe Ikastetxea izan dira Istanbulen ospatu den Europako txapelketako finalean parte hartu duten ikasle gipuzkoarrak. Mundu osoko 50 gazte-talde baino gehiago bildu ditu txapelketak.

Europako finalera joan aurretik bi ikastetxeak Espainiako finalean sarituak izan ziren, gogoratu albistea: Robotak Lego piezekin

Iturria: Eitb.com

Marte urdina zen

berde-berdea — Thu, 17 Jun 2010 09:29:33 +0200

Honakoa Marteren gainazala zenaren irudikapen bat da.

Aste honetan 'Nature Geoscience' aldizkarian argitaratu den ikerketan, Marteren zati handi batean ozeanoak zeudela adierazten duten ebidentzia berriak ezagutarazi dira, ikertzaileek planetaren hegoaldeko krater batetako zenbait sedimentu-metaketatan aurkitu omen dituzte. Adituek ustetan itsas-delta eta elkarri lotutako bailaren ebidentzien inguruan egin duten ikerketak Marte, gehienez 2.500 metroko sakonera zuen ozeano batek estaltzen zuela adierazten du.

Aurkikuntza hauen inguruko xehetasunak ezagutu nahi badituzu: Planeta gorria urdina zen (gazteleraz).

Eta orain, Marteren gainazala nolakoa den ikusteko aukera duzu: Marteren gainetik hegan eginez

Iturria: ElMundo.es eta Público.es

Botilako urari buruzko zenbait datu

berde-berdea — Tue, 08 Jun 2010 09:47:32 +0200

Dirua alferrik xahutzeaz gain, iturriko ura baino kalitate baxuagoa duen ura erosten, gure zabortegiak desagertzeko milaka urte behar dituzten plastikozko milaka milioi ontziz betetzen ari gara.

Hemen eskuragarri dugun IRUDIKAPEN GRAFIKOAK botilako urari buruzko ikuspegi orokor bat eskaintzen digu (zoom-a erabili handiago ikusteko), honakoak dira biltzen dituen datuetako batzuk:

Botilako uraren prezioa iturriko urarena baino 10.000 aldiz altuagoa izan daiteke.

Botilaratutako uraren %40a udalerriko ur-baliabideetatik hartua da (iturriko ura, beste hitz batzuetan esanda).

Botilen %22ak kutsagarri kimikoren bat du, onartutakoa baino maila altuagoan.

Urtero 17 milioi petrolio-upel erabiltzen dira plastikozko ur botilak egiteko, urte betez milioi bat auto mugitu ahal izateko gasolina sortzeko adina.

Bost botilatik 1 besterik ez da birziklatzen.

Lotura interesgarriak:

· Gure inguruneko ur-baliabideak ezagutzeko ikasmateriala: Uraren Ibilbidea Ikertzen Arroz Arro

· Ura baliabide naturala da, berriztagarria, baina mugatua eta gaizki banatua. Ezagutu baieztapen honen arrazoia 10 minutuko pelikula honetan: Ura

· Plastikozko botilekin egindako eraikina

· Plastikozko poltsek sorturiko kalteak

· Zaborrez beteriko uhartea

Iturria: Microsiervos eta OnlineEducation

Kutxagunearen hezkuntz-eskaintza

berde-berdea — Fri, 04 Jun 2010 10:01:52 +0200

Haur Hezkuntzatik Batxilergora, etapa guztientzako jarduerak daude hiru multzotan banaturik: tailerrak, planetariuma eta erakusketa iraunkorrak.

Tailer berrien artean, Bigarren Hezkuntzan "Kimika badago!!" eta "Zelularen mundua" ditugu, eta haur eta lehen hezkuntzan "Txikiklik berria". Nabarmentzekoa "Gaia" izeneko erakusketa iraunkorra, energia kontsumoa eta natura ardatz dituena. Duela hilabete batzuk izan genuen erakusketa honen berri, gogora ezazu albistea: GAIA erakusketa Kutxagunean

Hemen duzue eskuragai Kutxagunearen hezkuntz-eskaintza 2010-11 (pdf formatuan)

Beste lotura batzuk

Hezkuntza material berria: Energia (Berde-berdea)

Iturria: Zientziaberri eta Kutxagunea

Altxorraren Bila lehiaketa amaitu da

berde-berdea — Tue, 01 Jun 2010 09:22:07 +0200

Aurtengo urtarriletik hasita 300 ikerlari baino gehiago animatu dira Google Earth-ekin munduko leku ezberdinetara bidaiatzera, eta New York, Londres, Egipto... eta beste hainbat toki interesgarri bisitatzeko aukera izan dute.

Bidaian aurrera egiteko leku bakoitzean aurkitutako pistetaz baliatu dira gure ikertzaile trebeak, Empire State eraikin ospetsua ere izan dute bide lagun. Pistei jarraitu, eta leku bakoitzean galdera bati erantzun diote, zenbait kasutan informazio labur bat irakurriz, bestetan argazki panoramikoak ikusteko Google Earth-ek eskaintzen duen tresna bat erabiliz... eta bitartean, bideo, argazki eta abarrekin hainbat gauza ikusi eta ikasteko beta izan dute, munduko olaturik handienetakoa non sortzen den, besteak beste.

Orain, ikerlari ausart guzti hoien izenak mapa batean ikus ditzakegu. Eta saridunen zerrenda ere eskura duzue.

Bidaia egiteko gogoa piztu zaizu? Ba nahiz eta leihaketa amaituta egon, JOLASTEN JARRAI DEZAKEZU!! Anima zaitez, eta nahi baduzu ondoren, eman zure iritzia hemen!

Dorre baten eraispena

berde-berdea — Mon, 31 May 2010 12:25:54 +0200

Pasa den maiatzaren 24an izan zen eraispena Savannah River Site zentroan, Hego Carolinan. Bideoko irudiak ikusgarriak dira benetan.

Eraispena argazkitan ikus dezakegu.

Eraispen gehiago ikusi nahi badituzu, hemen dituzu tximinien 10 eraispen ikusgarrienak.

Iturria: Fogonazos

Zer ikusten duzu irudian?

berde-berdea — Fri, 28 May 2010 09:36:43 +0200

Lehenengo eta bigarren argazkia ez badira nahikoak, hirugarrenean aurkituko duzu erantzuna.

Kamuflatuta dagoen kamaleoi bat da!

Animalia honi buruzko informazioa nahi baduzu, klikatu beheko irudian.

Iturria: VideoGalaxia